Inuktitut

ᑐᙵᓱᒋᔅᓯ ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓄᑦ!

ᐃᒃᐱᒍᓱᑦᑎᐊᕐᓂᕐᒧᑦ ᓄᓇᑲᖅᑳᖅᓯᒪᔪᓄᑦ ᓄᓇᓕᖕᓄᑦ, ᐃᓚᒋᔭᐅᔪᓂᑦ ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ (AMQ ᐅᐃᕖᑎᑐᑦ) ᑲᔪᓯᑎᑦᑎᓯᒪᕗᑦ ᐱᓕᕆᖃᑎᖃᑉᓂᑉᒥᒃ ᖃᐅᑕᒫᑦᑎᐊᐸᓗᖕᒥᑦ, ᑕᒪᓐᓇ ᒪᒃᐱᖅᑐᒐᖅ ᐸᕐᓇᒃᑕᐅᓚᐅᖅᐳᖅ ᑕᑯᒃᓴᐅᑎᑦᑎᓂᕐᒧᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖓᓂ ᐱᒻᒪᕆᐅᓂᖏᓐᓂ ᐱᖅᑯᓯᑐᖃᖅᑎᒍᑦ ᐅᖃᐅᓯᔅᓯᓐᓂ.

ᑕᑯᒃᓴᐅᑎᑦᑎᓂᐅᔪᑦ ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ

ᐱᒋᐊᖅᑎᑕᐅᔪᖅ 1936-ᖑᑎᓪᓗᒍ, ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᐱᓕᕆᕙᒃᐳᑦ ᑕᒪᕐᑭᓄᑦ ᐅᔭᕋᖕᓂᐊᕐᕕᓄᑦ ᑲᒻᐸᓂᐅᔪᓄᑦ ᓴᖅᑭᑎᑦᑎᔪᓂ ᓴᕕᕋᔭᖕᓂ ᐊᒻᒪᓗ ᐅᔭᕋᐅᔭᓂᒃ ᐊᒻᒪᓗᑦᑕᐅᖅ ᐃᒡᓗᖁᑎᖏᓐᓂᑦ, ᖃᐅᔨᓴᕐᓂᐅᔪᓂ ᓇᕕᕋᔭᖕᓂᑦ ᑲᒻᐸᓂᐅᔪᓂᑦ ᐱᕙᓪᓕᐊᑎᑕᐅᔪᓂ ᐊᒻᒪᓗ ᐱᓕᕆᓂᕐᒧᑦ ᕿᓂᕐᓂᐅᔪᓂᑦ ᑯᐊᐃᖕᒥᑦ. ᐃᓚᒋᔭᖏᑦ ᑭᒡᒐᖅᑐᐃᕗᑦ ᐊᖏᔪᒻᒪᕆᐊᓗᖕᒥ ᑕᒪᕐᒥᒐᓚᖕᓂ ᑯᐸᐃᒃ ᓴᖅᑭᑉᐸᒃᑕᖏᓐᓂ ᓴᓇᔭᐅᓯᒪᔪᓄᑦ ᓴᕕᕋᔭᖕᓂ ᐊᒻᒪᓗ ᐅᔭᕋᐅᔭᓂᑦ. ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᐃᓚᒋᔭᐅᔪᑦ ᐊᒻᒪᓗ ᑐᓐᓂᖅᓴᐃᔨᐅᔪᓂᑦ, ᑲᑐᔾᔨᖃᑎᒡᒋᖑᔪᓂᑦ, ᐃᓕᓐᓂᐊᕐᕕᓄᑦ ᐊᒻᒪᓗ ᐱᓕᕆᖃᑎᒋᔭᐅᔪᓄᑦ ᐅᔭᕋᖕᓂᐊᕐᓂᒥ ᐱᓕᕆᕕᐅᔪᓂᑦ ᐃᓚᐅᔪᓐᓇᕆᕗᑦ ᐊᔾᔨᒡᒋᙱᕈᓘᔭᖅᑐᓂ ᖃᓄᐃᓕᐅᕐᓂᐅᔪᓂᑦ ᐋᖅᑭᒃᓱᖅᑕᐅᓯᒪᔪᓂ ᑲᑐᔾᔨᖃᑎᒌᖑᔪᓂᑦ ᐊᒻᒪᓗ ᐊᓕᐊᓇᐃᒍᓱᒡᓗᑎᒃ ᐃᑲᔪᕈᑕᐅᔪᓂᑦ ᓱᓕᔪᕆᔭᐅᔪᓐᓇᕐᓂᖏᓐᓂ ᐊᒻᒪᓗ ᑕᑯᒃᓴᐅᓂᖓᓐᓂᑦ.

ᖄᒃᑲᓐᓂᐊᒍᑦ ᓯᐊᒻᒪᖅᑎᑦᑎᓂᕐᒥᑦ ᐊᑲᐅᓂᖅᓴᒃᑰᕆᐊᖅᑎᑦᑎᓇᓱᐊᕐᓂᕐᒥᑦ, ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᑭᒡᒐᖅᑐᐃᔨᓕᐅᖅᐸᒃᐳᑦ ᒐᕙᒪᒃᑯᓐᓂ ᑎᒥᖁᑎᐅᔪᓄᑦ ᐊᒻᒪᓗ ᐊᓯᖏᑦ ᐱᖃᑕᐅᓯᒪᔪᑦ ᓴᐳᔾᔨᓯᒪᓂᕐᒧᑦ ᐱᓕᕆᐊᕆᔭᐅᔪᒪᔪᓂᑦ ᐃᓚᒋᔭᐅᔪᓂᑦ. ᐱᓕᕆᕙᒃᑭᕗᑦ ᐃᒃᓯᕙᐅᑕᐅᓪᓗᑎᒃ ᐅᔭᕋᖕᓂᐊᕐᕕᓄᑦ ᐱᓕᕆᓂᐅᔪᓂᑦ ᐱᖃᑕᐅᓯᒪᔪᓂᑦ, ᐱᓗᐊᖅᑐᒥ ᖃᓄᐃᓐᓂᐅᔪᓄᑦ ᐊᒻᒪᓗ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᑦ ᖃᓄᐃᓕᐅᕐᓂᐅᔪᓂᑦ.

ᑲᑐᔾᔨᖃᑎᒌᖑᔪᑦ ᑐᕌᒐᒃᓴᖓᑦ ᐱᓕᕆᖃᑎᖃᕐᓗᑎᒃ ᖁᕝᕙᖅᓴᐃᓗᑎᒃ, ᐃᑲᔪᖅᓱᐃᓗᑎᒃ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᑲᒪᑦᑎᐊᖅᑐᒥ, ᐊᖏᖅᓯᒪᓂᕐᒥᑦ ᐊᒻᒪᓗ ᐃᓱᒪᑐᔪᓂᑦ ᑯᐸᐃᖕᒥ ᐅᔭᕋᐅᔭᓄᑦ ᐱᓕᕆᓂᐅᔪᓂᑦ.. ᑕᐅᑐᙳᐊᖅᑕᖓᑦ ᐱᓗᑎᒃ ᓯᕗᓕᐅᖅᑎᐅᓗᑎᒃ ᐱᓕᕆᓂᐅᔪᒥ ᐱᒻᒪᕆᐅᓗᑎᒃ ᓇᓗᓇᐃᖅᓯᔨᐅᓗᑎᒃ ᑲᒪᑦᑎᐊᖅᑐᓄᑦ, ᐃᑐᓴᑐᔪᓄᑦ ᐊᒻᒪᓗ ᐊᑭᑦᑐᕋᐅᑎᔪᓂ ᑯᐸᐃᖕᒥ ᐅᔭᕋᐅᔭᓄᑦ ᐱᓕᕆᓂᐅᔪᓄᑦ, ᑕᐅᑐᖕᓂᖃᕐᓗᑎᒃ ᐱᕈᖅᐸᓪᓕᐊᔪᒥᒃ ᐱᕙᓪᓕᐊᑎᑦᑎᓂᕐᒧᑦ. ᐃᓚᒋᔭᐅᓪᓗᓂ ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᓐᓂᑦ ᑐᑭᖃᖅᐳᖅ ᒪᓕᑦᑎᐊᕐᓂᖏᓐᓂ ᐅᒃᐱᕆᔭᒥᓂᑦ:

• ᐊᓯᒥᓂᑦ ᐃᒃᐱᒍᓱᑦᑎᐊᕐᓗᑎᒃ
• ᑐᑭᓯᓇᑦᑎᐊᕐᓗᑎᒃ
• ᑲᒪᑦᑎᐊᕐᓗᑎᒃ
• ᐊᔭᐅᕆᓗᑎᒃ ᑲᑎᙵᔪᓂ ᐱᓕᕆᓂᐅᔪᓂᑦ

ᑐᕌᕐᓂᕐᒧᑦ ᐱᕈᖅᐸᓪᓕᐊᔪᒥᒃ ᐅᔭᕋᖕᓂᐊᕐᓂᕐᒥᑦ

ᑕᐃᒪᙵᓂ ᔫᓂ 2014-ᒥ, ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᐃᓚᒋᔭᐅᔪᑦ ᐃᓚᐅᓯᒪᕗᑦ ᑐᕌᖓᓂᕐᒧᑦ ᐱᕈᖅᐸᓪᓕᐊᓂᐅᔪᒥᑦ ᐅᔭᕋᖕᓂᐊᕐᓂᕐᒧᑦ (TSM) ᐱᒋᐊᕈᑕᐅᔪᒥᑦ, ᐱᓕᕆᐊᖑᔪᖅ ᓴᓇᓯᒪᔪᖅ ᓱᒃᑲᐃᑦᑐᒥ ᐱᐅᓯᒋᐊᖅᑎᑦᑎᕙᓪᓕᐊᓂᕐᒥᑦ ᐊᕙᑎᓕᕆᓂᕐᒥᑦ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐱᓕᕆᔾᔪᓯᐅᔪᓂᑦ ᐅᔭᕋᖕᓂᐊᕐᓂᕐᒧᑦ ᑲᒻᐸᓂᐅᔪᓂᑦ. ᐱᓕᕆᐊᖑᔪᖅ ᑐᕌᕐᓂᖃᖅᐳᖅ ᐃᖏᕐᕋᑎᑦᑎᓂᕐᒧᑦ ᐱᓕᕆᔪᓐᓇᕐᓂᕐᒥᑦ ᐊᒻᒪᓗ ᓇᓗᓇᐃᔭᐃᓂᕐᒧᑦ ᐱᒻᒪᕆᐅᔪᑦ ᐅᔭᕋᖕᓂᐊᕐᕕᓄᑦ ᐅᓗᕆᐊᓇᕈᑕᐅᔪᓂᑦ ᐊᐅᓚᑕᐅᑦᑎᐊᕐᓂᖏᓐᓂ ᑲᒪᒋᔭᐅᑦᑎᐊᕐᓗᑎᒃ ᐅᔭᕋᖕᓂᐊᕐᕕᓂᑦ ᑲᒻᐸᓂᐅᔪᓂᑦ ᐃᒡᓗᖁᑎᖏᓐᓂᑦ.

ᐅᕘᓇ ᑐᕌᖓᓂᕐᒧᑦ ᐱᕈᖅᐸᓪᓕᐊᓂᐅᔪᒥᑦ ᐅᔭᕋᖕᓂᐊᕐᓂᕐᒧᑦ ᐱᒋᐊᕈᑕᐅᔪᒥᑦ, ᐅᔭᕋᖕᓂᐊᕐᕕᑦ ᑲᒻᐸᓂᐅᔪᑦ ᖃᐅᔨᓴᐃᔭᕆᐊᖃᖅᐳᑦ ᐱᓕᕆᔪᓐᓇᕐᓂᕐᒥᑦ ᐊᕐᕌᒍᑕᒫᒥᑦ ᑐᙵᕕᖃᕐᓗᑎᒃ 23-ᖑᔪᓂ ᓇᓗᓇᐃᒃᑯᑕᐅᔪᓂᑦ, ᓇᓗᓇᐃᖅᑕᐅᓯᒪᔪᓂ 6-ᓄᑦ ᐊᕕᒃᑐᖅᓯᒪᓂᐅᔪᓂᑦ, ᐅᕝᕙᓘᓐᓃᑦ ᐱᐅᓯᐅᔪᓂᑦ, ᐃᓚᖃᖅᖢᓂ ᑰᒡᕕᓂᑦ ᐊᐅᓚᑦᑎᓂᕐᓂ, ᐆᒪᔪᓂᒃ ᓄᖑᕋᐃᑦᑕᐃᓕᑎᑦᑎᓂᕐᒥᑦ ᐊᐅᓚᑦᑎᓂᕐᒥᑦ, ᐆᒻᒪᖅᑯᑎᓂᒃ ᐊᑐᕐᓂᕐᒧᑦ ᐊᒻᒪᓗ ᐊᓂᕐᓂᖃᕐᓇᖅᑐᒥᑦ ᐊᔪᓕᖅᑎᑦᑎᔪᓂᑦ ᐆᓇᕐᓂᕐᒥᑦ ᐊᓂᐊᕙᓪᓕᐊᔪᓂᑦ ᐊᐅᓚᑦᑎᓂᕐᒧᑦ, ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᑎᑦᑎᓂᕐᒥᑦ ᐊᒻᒪᓗ ᐊᑦᑕᓈᕿᓂᑉᒧᒃ ᐊᐅᓚᑦᑎᓂᕐᒥᑦ. ᓇᓗᓇᐃᔭᐃᓂᕐᒧᑦ ᑕᒻᒪᖅᓯᒪᙱᑦᑎᐊᕐᓂᖓᓂ, ᖃᓄᐃᓕᖓᓂᐅᔪᑦ ᒪᑐᐃᖓᕗᑦ ᐱᔪᓐᓇᑦᑎᐊᖅᑐᒧᑦ ᐃᒻᒥᒎᖅᑐᒥᑦ ᑮᓇᐅᔭᓕᐊᖑᕙᒃᑐᓂᒃ ᖃᐅᔨᓴᖅᑎᒻᒪᕆᖕᒧᑦ ᐊᕐᕌᒍᑦ ᐱᖑᓱᐃᑦ ᖄᖏᑐᐊᕌᖓᑕ. ᐅᔭᕋᖕᓂᐊᕐᕕᒃ ᑲᒻᐸᓂᐅᔪᑦ ᖃᓄᐃᓕᖓᓂᖏᑦ ᑎᑎᕋᐅᓯᐅᕙᒃᐳᑦ ᐊᕐᕌᒍᑕᒫᒥᑦ ᑐᕌᖓᓂᕐᒧᑦ ᐱᕈᖅᐸᓪᓕᐊᓂᐅᔪᒥᑦ ᐅᔭᕋᖕᓂᐊᕐᓂᕐᒧᑦ ᖃᓄᐃᑉᐸᓪᓕᐊᓂᐅᔪᓄᑦ ᐅᓂᒃᑳᓕᐊᓂᑦ, ᐃᓄᓕᒫᓄᑦ ᐊᑐᐃᓐᓇᐅᖏᓐᓇᐅᔭᖅᑐᓂᑦ. ᑕᒪᓐᓇ ᐱᓕᕆᔾᔪᓯᐅᔪᖅ ᑐᓂᓯᕗᖅ ᓄᓇᓕᖕᓂ ᐱᔪᓐᓇᐅᑎᖃᐅᖅᑐᓂ ᑐᑭᓯᓇᑦᑎᐊᖅᑐᓂ ᐊᒻᒪᓗ ᐅᓂᒃᑳᖅᓯᒪᑦᑎᐊᖅᑐᓂ ᑐᑭᓯᐅᒪᓂᖓᓂᑦ ᐆᒧᖓ ᐊᐅᓚᑕᐅᓂᖓᓂ ᖃᓂᒋᔭᖓᓐᓂ ᐅᔭᕋᖕᓂᐊᕐᕕᐅᔪᓂᑦ. ᖃᐅᔨᒋᐊᒃᑲᓐᓂᕋᓱᖕᓂᕐᒧᑦ ᓇᕿᒍᒃ ᐅᕘᓇ.

ᐊᕙᑎᖓ

ᐅᔭᕋᖕᓂᐊᕐᕕᑦ ᑲᒻᐸᓂᐅᔪᑦ ᐊᐅᓚᑕᐅᕗᑦ ᐅᓄᕐᓂᖅᓴᓂ 100-ᓂ ᐊᕙᑎᓕᕆᓂᕐᒧᑦ ᒪᓕᒐᐅᔪᓂ ᐊᒻᒪᓗ ᒪᓕᒃᑕᐅᖁᔭᐅᔪᓂ, ᓇᓗᓇᐃᔭᐃᓗᓂ ᓇᐅᑦᑎᖅᓱᖅᑕᐅᑦᑎᐊᕐᓗᓂ ᐅᔭᕋᖕᓂᐊᕐᓂᕐᒧᑦ-ᐱᔾᔪᑎᓕᖕᓂ ᖃᓄᐃᓕᐅᕐᓂᐅᔪᓂᑦ ᑯᐸᐃᖕᒥᑦ. ᐋᖅᑭᒃᑕᐅᓯᒪᓂᖏᑕ ᐅᖓᑖᓂ, ᐊᕙᑎᖓ ᐃᓱᒫᓘᑎᒻᒪᕆᐅᕗᖅ ᑯᐸᐃᒃᑯᓐᓂ ᐅᔭᕋᖕᓂᐊᕐᓂᕐᒧᑦ ᐱᓕᕆᓂᐅᔪᒥᑦ, ᒪᓕᖕᓂᖃᖅᑐᒥ ᐱᒋᐊᕈᑕᐅᕚᓪᓗᒃᑐᓂᑦ ᐱᕙᓪᓕᐊᑎᑦᑎᓂᕐᒧᑦ ᓄᑖᓂᒃ ᐅᔭᕋᖕᓂᐊᒐᒃᓴᓂ ᕿᓂᓂᕐᒧᑦ ᐊᒻᒪᓗ ᐅᔭᕋᖕᓂᐊᕐᓂᕐᒥᑦ ᐱᓕᕆᔾᔪᓯᐅᔪᓂᑦ ᒥᒃᖠᒋᐊᖅᑎᑦᑎᓇᓱᐊᕐᓂᕐᒧᑦ ᐊᕙᑎᒧᑦ ᑐᒥᓕᐊᖑᔪᓂᑦ, ᒪᑐᐃᕐᓂᖓᓂ ᐅᔭᕋᖕᓂᐊᕐᕕᖕᒥᑦ ᒪᑐᔭᐅᓂᖓᓄᑦ ᐊᒻᒪᓗ ᐃᓂᒋᔭᖓᓂ ᐅᑎᖅᑎᕆᓂᐅᔪᒥᑦ ᑕᐃᒪᐃᓐᓂᕆᓚᐅᖅᑕᖓᓄᑦ.

ᐃᓅᖃᑎᒌᖕᓂᕐᒧᑦ ᓈᒻᒪᒋᔭᐅᓂᖓ

ᓄᓇᕐᔪᐊᖅ ᐊᒻᒪᓗ ᒫᓐᓇᐅᓂᖓ ᐊᓯᔾᔨᖅᐸᓪᓕᐊᕗᖅ. ᐅᔭᕋᖕᓂᐊᕐᓂᕐᒧᑦ ᐱᓕᕆᓂᐅᔪᖅ ᖃᐅᔨᒪᕗᖅ ᑕᒪᑐᒥᖓ, ᑕᐃᒫᒃ ᓄᓇᖃᖅᑎᐅᔪᑦ ᐃᓕᒃᑯᐊᒥ ᓯᕗᓪᓕᐅᑎᑕᐅᓯᒪᕗᑦ. ᐃᖏᕐᕋᓂᕐᒧᑦ ᓯᕗᒻᒧᑦ, ᐅᔭᕋᖕᓂᐊᕐᓂᕐᒧᑦ ᐱᓕᕆᐊᒃᓴᐅᔪᑦ ᐱᔭᕆᐊᖃᖅᐳᑦ ᐊᖏᓂᖅᓴᐅᔪᒥ ᐃᓅᖃᑎᒌᖕᓂᕐᒧᑦ ᓈᒻᒪᒋᔭᐅᓂᐅᔪᒥᑦ. ᑕᐃᑯᖓ ᐃᓱᖓᓄᑦ, ᐅᔭᕋᖕᓂᐊᕐᕖᑦ ᑲᒻᐸᓂᐅᔪᑦ ᐱᔪᒪᑐᐃᓐᓇᖅᐳᑦ ᐅᖃᖃᑎᖃᕐᓂᕐᒥᑦ ᐃᓄᓕᒫᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓂᑦ ᓄᓇᓕᖕᓄᑦ ᐊᒃᑐᖅᑕᐅᓯᒪᔪᓂ ᑐᑭᓯᑦᑎᐊᕈᓐᓇᕐᓂᕐᒧᑦ ᐃᓱᒫᓘᑎᖏᓐᓂᑦ, ᐱᔪᕆᐊᓕᖏᓐᓂᑦ ᐊᒻᒪᓗ ᓂᕈᐊᕆᔭᐅᔪᓂᑦ. ᐊᔾᔨᒌᙱᑦᑐᑦ ᐋᔩᖃᑎᒌᖕᓂᐅᔪᓂ ᐱᕙᓪᓕᐊᑎᑕᐅᓪᓗᐊᖅᐳᑦ ᓴᖅᑭᑎᑦᑎᓂᕐᒥᑦ ᓄᓇᓕᖕᓂ ᐃᑲᔪᖅᓱᐃᓂᐅᔪᓂᑦ ᐃᓚᒋᔭᐅᓗᓂ ᐅᔭᕋᖕᓂᐊᕐᓂᕐᒧᑦ ᐱᓕᕆᐊᒃᓴᐅᔪᓄᑦ.

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᓂᐅᔪᒥᑦ

ᐱᓕᕆᔨᐅᔪᑦ ᐱᒻᒪᕆᐅᓪᓗᑎᒃ ᐃᑲᔪᕈᑎᑦᑎᐊᕙᐅᕗᑦ ᐅᔭᕋᖕᓂᐊᕐᓂᕐᒥᑦ ᐱᓕᕆᓂᐅᔪᒥᑦ, ᐱᐅᖅᓱᐊᖅᐸᙱᑦᑐᓂ ᐊᒃᓱᕈᕈᑎᒋᔭᒥᓂᑦ ᓇᓗᓇᐃᖅᓯᓂᕐᒥᑦ ᐋᓐᓂᐊᖃᖅᑕᐃᓕᒪᓂᖓᓄᑦ ᐊᒻᒪᓗ ᐊᑦᑕᓇᔾᔭᐃᖅᓯᓂᖓᓐᓄᑦ. ᐃᖏᕐᕋᐃᓐᓇᖅᑐᒥ ᑲᑕᒃᐸᓪᓕᐊᓂᐅᔪᓂᑦ ᐅᓄᕐᓂᖓᓂ ᐱᕐᕈᓗᐊᕿᓂᐅᔪᓂᑦ ᑕᑯᒃᓴᐅᑎᑦᑎᕗᖅ ᐱᓪᓚᕆᐅᓂᖓᓂ ᐅᔭᕋᖕᓂᐊᕐᕖᑦ ᑲᒻᐸᓂᐅᔪᑦ ᑭᐅᓂᖃᖅᐸᖕᓂᖏᓐᓂ ᑕᒪᑐᒥᖓ ᐊᑲᐅᙱᓕᐅᕈᑕᐅᔪᒥᑦ. ᑲᑐᔾᔨᖃᑎᒌᖑᔪᑦ ᑐᕌᖓᓂᖃᖅᐳᑦ ᓴᓇᓂᕐᒧᑦ ᐊᖅᑯᑕᐅᔪᒥᑦ ᐱᐅᓂᖅᐹᖑᔪᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᓂᐅᔪᒥᑦ ᐱᕙᓪᓕᐊᑎᑦᑎᓗᓂ ᐸᕐᓇᒍᑎᓂᑦ ᐊᒻᒪᓗ ᑐᓂᓯᓂᕐᒥᑦ ᒥᐊᓂᕆᓂᐅᔪᒥᑦ ᐊᑐᖅᑕᐅᖁᔭᐅᔪᓂ ᐅᔭᕋᖕᓂᐊᕐᓂᕐᒧᑦ ᐱᓕᕆᓂᐅᔪᓂᑦ, ᓇᓗᓇᐃᖅᓯᓂᕐᒥ ᐊᒻᒪᓗ ᐃᑲᔪᖅᓱᐃᓂᕐᒥᑦ, ᐱᔭᕆᐊᖃᕌᖓᑦ, ᖁᖅᑎᒃᑐᒥ-ᐱᑕᖃᑐᐃᓐᓇᕆᐊᓕᖕᓂᑦ ᐱᒋᐊᖅᑕᐅᕚᓪᓗᒃᑐᓂᒃ ᐱᓕᕆᐊᒃᓴᐅᔪᓂᑦ.

ᖃᐅᔨᒋᐊᕐᕕᒃᓴᑦ

Association minière du Québec/Quebec Mining Association

Place de la Cité - Tour Belle Cour
2590, boulevard Laurier, Bureau 720, 7e étage
Québec (Québec) G1V 4M6
ᐅᖃᓘᑎᖓᑦ: 418 657-2016
ᓱᒃᑲᔪᒃᑯᑦ: 418 657-2154
ᖃᕋᓴᐅᔭᑎᒍᑦ ᑎᑎᕋᕐᕕᒃᓴᖓᑦ: amq@amq-inc.com
ᖃᐅᔨᒋᐊᕋᓱᖕᓂᕐᒧᑦ ᑯᐸᐃᖕᒧᑦ ᐅᔭᕋᖕᓂᐊᕐᕕᖕᒧᑦ ᑲᑐᔾᔨᖃᑎᒌᒃᑯᑦ ᐃᓚᒋᔭᐅᔪᒥᑦ, ᐅᕘᓇ ᓇᕿᓪᓗᒍ.