Innu

Minu-takushinik^u ute utatusseu-katshitapatakanimit ne Mamuitun ka nutashinenanut ute Uepishtikueiau-assit!

Eshpish ishpitenitahk nenua innu-assia, anitshenat etaht anite Mamuitunit ka nutashinenanut ute Uepishtikueiau-assit uitshi-atussemeuat innua kie eshakumitshishikua aimituat. Ute umashinaikanuau uapatiniueuat nenu ka aishpannit kie innushteu.

Tshekuan an ne Mamuitun ka nutashinenanut ute Uepishtikueiau-assit

Tshimatakanipan neme pipun 1936 ne Mamuitun ka nutashinenanut ute Uepishtikueiau-assit kie ekute aimun uetshipanit, uet pimutatakanit etusseshtuakaniht anitshenat kassinu etashiht ka nutashineht kie eshi-kanuenitashuht, anitshenat kenuenitahk atusseutshuapa assikumannu etusseuatsheht, ka takuaimatahk kie ka tshitshipanituatishuht atusseunnu anite ka nutashinenanunit ute Uepishtikueiau-assit. Mishta-mitshetuat anitshenat ka tapishiniht anite mamuitunit kie kassinu tshekat nutim etatiki neni ka nutashinenanuti ute Uepishtikueiau-assit anite tapitina. Anitshenat ashit tiapishiniht anite Mamuitunit, anitshenat ka atusseshtahk ashinia, atusseutshuapa, mashinaikanitshuapa kie anitshenat ka uitshiaushiht anite ka nutashinenanunit. Kassinu anite e aitatussenanuti tshi tauat kie ekute uetinahk tshetshi nishtuapamakaniht kie ishpitenitakushiht.

Patshitinam^u aimunnu anite tipatshimu-mashinaikanit kie katshitapatakannit, ne Mamuitun ituteu ashit nete tshishe-utshimaua etaniti, nateu nenua ka tshimanakanniti kie kutaka tshetshi tshishpeuatat nenua ka tapishinniti anite mamuitunit. Ui mamuneu nenua ka atusseniti anite ka nutashinenanunit anite tshekuannu etutaki kie e aitatusseti tshetshi nishtuapamituniti mamu.

Ne Mamuitun ishinakuannu utatusseun, tshika ui nukutau atusseunnu etutakannit, tshika ui uitshiaushiu kie mishituepanitau nenu eshinakuannit atusseunnu anite ka nutashinenanunit ute Uepishtikueiau-assit. Tshika ui nakatuapatam^u, shutshenimu kie nikan tshekuannu uapatam^u, nenu tshe utshimaut, tshetshi nishtuapatakannit nenu atusseunnu etutakannit anite Uepishtikueiau-assit. Tshika ui nakatuapatam^u nikan tshekuannu tekushipannit kie nanikan tshika ui tau anite ua mishituepanitakanit ne atusseun. Anite e tananut anite Mamuitunit ka nutashinenanut ute Uepishtikueiau-assit, nashatakannu nenu tshekuannu etenitak menuanit : 

• Tshika ui ishpitenimu
• Tshika ui minu-tshikanakushu utatusseunit
• Tshika ui shutshenitakushu
• Tshika ui tutam^u tshetshi mamu atussenanunit

Nete itetshe etusseshtakanit ka nutashinenanut e shutshenitakuak

Shash neme uapikun-pishim^u 2014, ne Mamuitun ka nutashinenanut ute Uepishtikueiau-assit mak nenua ka tapishiniti auennua nashatamuat nenu eshinikatenit : Nete itetshe etusseshtakanit ka nutashinenanut e shutshenitakuak, atusseun an ka tutakanit tshetshi shaputuepanit etatu e minupanit ne e nakatuapatakanit assi kie anite innit etutatsheti neni ka nutashinenanuti. Ne atusseun tekuak, ui tutakanu tshetshi minupanit anite ka nutashinenanut kie e nakatuapatakanit neme eshi-nutashinenanut tshetshi eka shuk^u katshitaikanit tshekuan.

Neme etusseshtakanit ne atusseun Nete itetshe etusseshtakanit ka nutashinenanut e shutshenitakuak, anitshenat ka nutashineht tshika ui uaueshi-tshitapatamuat eshakumipipuna nenu eshpish minupannit utatusseunuau anite ut nishunnu ashu nisht^u tshekuannu ka nakatuapatahk anite kutuasht tshekuanA e katipanakanitI eshinikateti eshi-pimutenanut miam mate anitshenat innuat e uitsheuakaniht kie innu-assia tekuaki. Neni kutaka niashatakaniti eshi-pimutenanuti : tshe ishi-nakatuapatakaniti uepinashuna, tshe nakatuapatakanit eshi-takuak assit, tshe nakatuapatakanit ishkuteu kie eshi-piputepanit ishkutet, minuinniun, akushun mak ka minu-nakatuapatakanit tshetshi eka ushIkushinit auen kie tshe aieshkupinanut animipaniti tshekuan. Nanishtupipuna, tshetshi nasht uemut minushtet, neni tshekuana ka natu-tshissenitakaniti tshika patshitinakanua tshetshi uaueshi-tshitapatakaniti upime, ne ka nakatuapatak ait ka utshipanit tshika minakanu. Neme tshekuan tshe ishi-unuipanit atusseutshuapit ut, tshika unuipanitakanu eshakumipipuna anite umashinaikanit ne atusseun : Nete itetshe etusseshtakanit ka nutashinenanut e shutshenitakuak, kassinu auen tshipa tshi tshitapatam^u nenua unuipanitaui. Ekute uiapatahk anite epiht pessish utenassit kie innu-assit, tan eshi-nutshitakannit anite ashininu, e nutashinenanunit anite pessish etaht. Etatu ui natu-tshissenitamekui, ute tshissipitamuk^u .

Assi kie eshi-takuak anite assit

Neni atusseutshuapa ka nutashinenanunit minu-takuaimatakanua. Anu peikumitashumitannu takuaikana kie tshe ishi-pimutenanut anite assit e nakatuapatakanit nashatakanua, eukuan anite menu-nakatuapakanit neme atusseun etutakanit anite Uepishtikueiau-assit. Ashit ma anite upime tshekuan, ne assi mishta-nakatuapatakanu anite ka nutashinenanut etusseshtakanit anite Uepishtikueiau-assit, natuapatakanu ne tshekuan uessinakuak tshetshi tutakanit tshekuan, tshetshi nutashinenanut kie natuapatakanit assi, eka meshta-matenitakuak neme enutenakaniti nuash eshpish tshipaikanit ne ka nutashinenanut mak kau e uaueshtakanit ka ishinakuak ushkat assi.

Tshetshi minu-utinakanit ne atusseun nete utenassit kie ma innu-assit

Mishkutshipannanu kie ne etenitakuak tshekuan ashit. Anite ka nutashinenanut, tshissenitakanu ne eshpanit. Eukuannu uet anakaniht innuat nikan tshetshi uinuau ushkat tshissitutuakaniht. Tshetshi nikan itutenanut, ne atusseun ua tutakanit anite ka nutashinenanut, tshika ui mitshet auenitshenat tapuetatishuat tshetshi tutakannit. Tshetshi nikanutenanut, neni atusseutshuapa ka nutashineht mishta-nakatuapatamuat tshetshi minu-aimiaht auennua kie nenua innua etaniti innu-assit ka katshitaukuniti nenu atusseunnu. Ui tshissenitakannu etenitahk auenitshenat, tshekuannu miamitunenimikuht, tshekuannu ua apashtaht kie tshekuannu eshuapatahk. Mitshetuait tshi ishi-aimitunanu tshetshi uitshiakaniht anitshenat ua nutashineht.

Minuinniun, akushun mak ka minu-nakatuapatakanit anite etussenanut

Anitshenat kupanieshat etaht anite ka nutashinenanunit mishta-minushiuat, kassinu tshekuannu tutamuat tshetshi nakatuapatahk minuinniunnu kie ka minu-nakatuapatakannit tshetshi eka ushikushinit auen anite etussenanunit. Shash mishta-nashikupanu ne auen ka ushukushinit, ekute enukuak eshpish mishta-apatenitakanit anite etussenanut ka nutashinenanut. Ne Mamuitun ui tutam^u tshetshi takuannit minuinniunnu mak ka minu-nakatuapatakanit tshetshi eka ushikushinit auen anite etusset tshetshi etatu minuanit. Ui tutam^u tshekuana kie uitam^u tshe ishi-nashatakannit anite etussenanut ka nutashinenanut, tapuetam^u kie uitshaushiu tshetshi tutakanniti nenua atusseuna ka minuaniti kie ka mishaniti.

Tanite tshe aiminanut

Mamuitun ka nutashinenanut ute Uepishtikueiau-assit
Place de la Cité - Tour Belle Cour
2590, boulevard Laurier, Bureau 720, 7e étage
Québec (Québec) G1V 4M6
Kaimitunanut : 418 657-2016
Takapitshenikan : 418 657-2154
Atusseu-katshitapatakanit : amq@amq-inc.com

Ui aimiekui auen ka atusset anite Mamuitunit ka nutashinenanut ute Uepishtikueiau-assit, ute tshissipitamuk^u .